"Позитивті ата-ананың ерекшеліктері" тақырыбында ата-аналар жиналысы

№15  мектеп-гимназиясында 2024-2025 оқу жылында «Біртұтас тәрбие» бағдарламасы негізінде «Әділдік және жауапкершілік»  құндылығын дәріптеу мақсатында  Қараша айының 26 күні  «Позитивті ата-ананың ерекшеліктері:  жағымсыз көңіл күйден жағымды эмоциялардың басым болуы. Жасөспірімнің бойындағы ізгі қасиеттерге назар аудару, күшті және жағымсыз мінез-құлық қасиеттерін дамыту» тақырыбында 5 сыныптар арасында ата-аналар жиналысы өткізілді. 
Мақсаты: Оң тәрбиенің мәнін, принциптерін және дағдыларын дамыту арқылы ата-аналардың  педагогикалық мәдениетін дамыту.
Іс-шара барысында позитивті ата-ана болудың мән мағынасы,  қағидаттары мен  дағдыларын игеруге  көмектесу барысында директордың оқу ісі жөніндегі  орынбасары Г.А.Арыстанбекова, директордың  тәрбие ісі жөніндегі орынбасары  Г.Н.Жолдасова жиналысты ашып, сөз сөйледі. Мектеп психологы Р.Б.Сауқымбекова сергіту сәтімен жалғастырды. 
Тренинг барысында  позитивті  ата-ана мен қоса жасөспірімдердің   жас ерекшеліктеріне байланысты  қиындықтардан қалай шыға білу және қалыптасу жолы, ата-анадан қандай көмек  болуы керектігі айтылды.  Әртүлі әдіс-тәсілдермен   өткізілген  ой талқылар  оңтайлы нәтиже берді.  Іс-шара соңында  ата-аналар    өткізілген жұмысқа риза болып, алғыс – тілектері мен ұсыныстарын айтып тарқасты.