"Мамандықтың бәрі маңызды" тақырыбында дөңгелек үстел өтті.

2025 жылдың 24 қаңтар күні №15 мектеп-гимназиясында 10 сынып оқушыларымен "Мамандықтың бәрі маңызды"  тақырыбында дөңгелек үстел өтті. Дөңгелек үстелге РГП "КазАэронавигация" қызметкерлері синоптик- Ә.Қ.Кеңесұлы,  әуе инженері - Н.Б.Рисбаев Тараз әуежайы авиадиспетчері Тұрысжан Еркебұлан Әлібекұлы қонақта болып, Авиация мүмкіндіктері, Шет елде оқу жолдары, Мамандық таңдау, Мектептегі уақытты барынша пайдалы өткізу бойынша оқушылармен еркін форматта сұқбат жүргізді. 🛫Мектепті алтын белгіге, Еуразия Ұлттық университетін қызыл дипломға, әскери кафедра, магистратура, W&T бағдарламасымен АҚШ-та, мобильность бойынша Прагада білім алған кездегі қиындықтар, тәжірибелер, қателіктер, мүмкіндіктер, арман, арманға жетіп сол арманның ішінде өмір сүру жайлы керемет дүниелермен бөлісті. Авиация үшін Болашақ бағдарламасынан, Ригадағы оқудан бас тартқандығын да айтты. Оқушыларымыздың тарапынан әр түрлі сұрақтар қойылып, жауаптар алынды, қызығушылықтары артып, мамандық таңдаудың маңыздылығын ұғынды.
Құнды әңгіме айтатын азаматтар көп болса, құлдырамайтынымыз анық. Құндылыққа негізделген іс-шаралар жалғасын табады....
🛫Кездесу барысында оқушыларға әуе көлігіне аэронавигациялық қызмет көрсету саласындағы жұмыстың міндеттері, күрлелілігі мен артықшылықтары түсіндіріліп, оқуға түсу кезінде қойылатын талаптар нақты жазылған презентациялар мен бейнероликтер көрсетілді.
Кәсіптік бағдар беруші педагог А.Райымкулова