" Жомарт түлек " жобасы аясында мектеп түлектерімен кездесу

"Жомарт түлек" жобасы игі істердің бастауы. 15 мектеп - гимназиясында 1- наурыз күні  " Жомарт түлек " жобасы аясында, мектеп ұстаздары Аман Жанбөпе, Гүлжан  Әтенова, Индира Исаеваның ұйымдастыруымен, мектеп түлектерімен кездесу  өткізілді. Кездесуге Жамбыл облысы әкімдігінің ішкі саясат бөлімі жастар ісі бойынша комитетінің бас маманы Жиенбай Нұрлан Темірұлы, ТарГу- дың  орыс тілі , әдебиеті  мамандығының 4 курс білімгері Құттыбай Әсия Мұқанқызы қатысты. Кездесуді директордың  оқу ісі  жөніндегі орынбасары Толқын Байтұмайқызы құттықтау тілегімен  ашып берді. Кәсіптік бағдар беру ісінің  маманы-  Гаухар Жеңісқызы  келген қонақтарға еңбек жолдарына  сәттілік тіледі. Басты мақсат- елімізге түрлі салада жемісті еңбек етіп, оқып жүрген түлектердің  табысты өмір жолын жас ұрпаққа үлгі ету. Сан  салада ел дамуына үлес қосып жүрген  түлектер жетістікке жету тәжірибесімен, мектебі туралы естеліктерімен бөлісті. Оқушылар өз кезегінде, көкейіндегі жүрген сұрақтарына жауап алды. Жоба аясында  мұндай кездесулер алдағы уақытта да жалғасын табады.