2019-2020 оқу жылына оқушыларды бірінші сыныпқа қабылдау

Құрметті ата-аналар!!!

2019-2020 оқу жылына оқушыларды бірінші сыныпқа қабылдау "Бастауыш, негізгі орта және жалпы орта білімнің жалпы білім беретін оқу бағдарламаларын іске асыратын білім беру ұйымдарына оқуға қабылдаудың үлгілік қағидаларын бекіту туралы» Қазақстан Республикасы Білім және ғылым министрінің 2018 жылғы 12 қазандағы № 564 бұйрығына сәйкес жүргізіледі. Бастауыш білімнің жалпы білім беретін оқу бағдарламаларын іске асыратын білім беру ұйымдары дайындық деңгейіне қарамастан, білім беру ұйымының қызмет көрсету аумағында тұратын барлық балалардың қолжетімділігін қамтамасыз ете отырып, ағымдағы күнтізбелік жылы алты жасқа толатын барлық балалардың бірінші сыныпқа қабылдануын қамтамасыз етеді.(2-бөлім,9 тармақ) 

Бірінші сыныпқа балаларды қабылдау үшін мынадай құжаттар қажет:

      1) баланың ата-анасынан және өзге де заңды өкілдерінен өтініш (еркін түрде);

2) баланың туу туралы куәлігінің көшірмесі;

      3) "Бала денсаулығы паспорты" 026/у-3 есеп нысанын толтыру және жүргізу жөніндегі нұсқаулықты бекіту туралы" Қазақстан Республикасы Денсаулық сақтау министрінің 2003 жылғы 24 маусымдағы № 469 бұйрығымен (Нормативтік құқықтық актілерді мемлекеттік тіркеу тізілімінде № 2423 болып тіркелген) бекітілген № 026/у-3 нысаны бойынша денсаулық жағдайы туралы құжат;

       4) "Денсаулық сақтау ұйымдарының бастапқы медициналық құжаттама нысандарын бекіту туралы" Қазақстан Республикасы Денсаулық сақтау министрінің міндетін атқарушының 2010 жылғы 23 қарашадағы № 907 бұйрығымен бекітілген № 063/у нысан (Нормативтік құқықтық актілерді мемлекеттік тіркеу тізілімінде № 6697 болып тіркелген) (Нормативтік құқықтық актілерді мемлекеттік тіркеу тізілімінде № 6697 болып тіркелген) бекітілген № 063/у нысаны бойынша денсаулық жағдайы туралы құжат;

      5) 3x 4 көлеміндегі фото - екі дана.

Құжаттарды қабылдау ағымдағы күнтізбелік жылдың 1 маусымы мен              30 тамызы аралығында жүргізіледі. Білім алушыларды қабылдау  eduschool.kz сайты арқылы жүзеге асырылады. Гимназия сыныптарына қабылдау бойынша тестілеу өткізіледі.