Қазіргі өркениетке ұмтылған қоғам талабына сай, еліміздің дамыған елдерімен қатар тұруы және ұлтымыздың болашағы үшін зерделі, білімді, өз бетімен іс-әрекет ете алатын, қоғамда өз орны болатын шәкірттерді дайындау ұстаздарымыздың басты міндеті. №15 мектеп-гимназиясында "Үйірменің үйретері көп" тақырыбымен үйірмеден үйренген шеберліктерін, білімі мен еңбектерін көрсетуге арналған үйірме айлығының жабылу кеші өткізілді.

"1 Мамыр - Бірлік пен жасампаздық мерекесі" тақырыбында №15 мектеп- гимназиясында білім алушылар диктант пен эссе жазды. Оқушылардың бірлік, ынтымақ туралы түсініктері анықталды.

"1-мамыр - Бірлік күні" - бұл бірлік, достық және өзара түсіністікті нығайтуға арналған мереке. Әр түрлі ұлттар мен ұлыстардың бір-бірін құрметтеп, достығын нығайту күні. №15 мектеп-гимназиясының оқушылары да мерекеге арналған құттықтауларын жыр жолдарымен, игі тілектерімен жеткізді.

"Жасыл Қазақстан" - Президент Қасым-Жомарт Тоқаевтың тапсырмасына сәйкес әзірленген ұлттық жоба. Осы арқылы еліміздегі экологиялық жағдайды жақсартып, халыққа қолайлы өмір сүру ортасын қалыптастыру көзделген. №15 мектеп-гимназиясының оқушылары да мектеп ауласындағы ағаштарды күтіп баптау жұмыстарына қатысты. "Таза Қазақстан" атмосфералық ауаның ластануын азайтуды көздейтін жоба. Қоршаған ортаны таза ұстау, әрбір қазақстандықтың міндеті екенін басты назарда ұстайық!

Бала тәрбиесі дамуындағы басты рөл атқарушы - отбасы. №15 мектеп-гимназиясында ата-аналар жиналысы өткізілді. Жиналысқа қалалық ата-аналар комитетінің төрайымы Рысбаева Ғалия Орынбайқызы, қала мектептерінің ата-аналар комитетінен қонақтар келіп қатысты. "Бала бақытты болуы үшін не істеуі керек?" тақырыбында ата-аналарға түсінік беріліп, ой-пікірлері, ұсыныстары тыңдалынды. Мектептің ата-аналар комитетінің төрағасы С.Кадирова баяндама оқып, бала тәрбиесіне жауапкершілікпен қарауға шақырды.

№15 мектеп-гимназиясында Алғыс айту күніне арналған музыкалық кеш өткізілді. Кеште білім алушылар өздерінің алғыстарын ән-күймен, жыр жолдарымен жеткізіп, көрермендерге көтеріңкі көңіл күй мен жылулық сыйлады.

Көктемнің алғашқы күнімен келіп, көңіл тыныштығын сыйлайтын жарқын мереке - Алғыс айту күні құтты болсын! №15 мектеп-гимазиясының бастауыш сынып оқушылары да алғыс айту күніне арналған құттықтауларын арнады. Алғыс айтып, айналамызды қуантуға тырысайық, ағайын!

№15 мектеп-гимназиясында "Әке мен бала" жобасы аясында әкенің балаға беретін тәлім-тәрбиесіне арналған жұмыстар да жүргізілуде. «Әкенің берген тәрбиесін жүз мектеп те бере алмайды», - деген сөз осындай үлгілі әкелерге арналғандай. Ендеше, әкелердің бала тәрбиесіне көңіл бөліп, ұлттық құндылықтарымызды арттыруға септігін тигізіп жатқаны көңіл қуантады.

Алғыс айта білу - адам бойындағы ерекше қасиет. Бұл әр адамның бір-біріне құрмет көрсете білуі, жүректен шыққан лебізі. 1-наурыз - Алғыс айту күніне ұлттық құндылықтарымызды жаңғырту, мақтаныш сезімдерін ұялату, бойларына ұлттық рухты сіңіру мақсатында №15 мектеп-гимназиясында іс-шаралар өткізілді. Білім алушылар ұстаздар мен ата-аналарына, еліне, жеріне, достарына, қоғамға деген алғыстарын жыр шумақтарымен, құттықтауларымен жеткізді.

Қазақстанның кәсіби сурет өнерінің бастау бұлағында тұрған қылқалам шебері, аса дарынды суреткер - Әбілхан Қастеевтің туғанына биыл 120 жыл толып отыр. №15 мектеп-гимназиясында дарынды суретшінің өнеріне, шығармашылығына арналған іс-шаралар ұйымдастырылды. Кітапханада көрме, сынып сағаттары ұйымдастырылды. Суретшінің қазақ өнеріне қосқан үлесі туралы оқушыларға түсініктер берілді.