Жыр мүшәйрасы

Қазақ ұлтының тарихы мен әдебиетінен ойып тұрып орын алатын даңқты тұлғалардың бірі - Алаш зиялысы, ақын, Мағжан Жұмабаев. Азаттық жолында жанын қатерге тіккен осынау парасатты перзенттің туғанына биыл 130 жыл толып отыр. №15 мектеп-гимназиясында ақынның шығармашылығына арналған "Жыр мүшәйрасы" өткізілді. Қазақ тілі мен әдебиеті пәнінің мұғалімдері Г. Ережепова, А. Серкебаева, Ж. Алпысбайдың ұйымдастыруымен өткізілген іс-шарада оқушылар ақын өлеңдерін мәнерлеп оқып, шығармашылығымен жақын танысты. Ұрпаққа үлгі берер Алаш мұрасы әрқашан ұлттық санамыздан өшпейді.