2023-2028 жылдарға арналған № 15 мектеп-гимназиясын дамыту бағдарламасы

2023-2028 жылдарға арналған № 15 мектеп-гимназиясын 

дамыту  бағдарламасы

                                   Бағдарлама паспорты. Кіріспе                                     2-3    

                        Ағымдағы ахуалды  талдау                                        4-22   

                         Пайымы және миссиясы                                         23-25 

                      Нысаналы индикаторлар және күтілетін                 26-28  

                нәтижелер

                    Іс-шаралар   жоспары                                                   29-34 

1-бөлім:  Бағдарлама паспорты

КІРІСПЕ

       Бүгінгі күні жаңа технологиялық жетістіктер мен инновацияларды енгізу, ІТ-технологиялардың қарқынды дамуы және адам ресурстарының ұтқырлығы кезеңінде, жалпы білім беретін мектептерге қатаң бәсекелестік жағдайында білімдік қызмет көрсетуге тура келеді. Осы жағдайда олар инновациялық өзгерістердің алдыңғы қатарында тұруы тиіс.

        Жалпы орта білім беру жүйесін жаңғыртудың қазіргі заманғы кезеңі әрбір білім алушының  сапалы  білімге қолжетімділігін көздейді.

        Ұсынылып отырған бағдарлама осы жаңартылған білім мазмұнын мектепте тиімді ендіруді жүзеге асыруға, сонымен бірге тіптен де жаңа педагогикалық ойлауды, үздік әлемдік тәжірибені игерген, орта мектеп менталитетін толықтай өзгертуге қабілетті жаңа форматтағы педагогтар көмегімен ондағы бар кемшіліктерден арылуға және мектеп-гимназияны білімдік қызмет көрсетудің жаңа сапалық деңгейіне алып шығуға бағытталған.

        Бұл бағдарлама жаңартылған білім мазмұнына көшу жағдайында жалпы орта білім берудің стратегиясын, негізгі бағыттарын, мақсаты мен міндеттерін және оларды жүзеге асырудың механизмдерін анықтайды. Сонымен бірге, бұл құжат мектеп-гимназияның білім беру үдерісіне өзгерістер мен толықтырулар енгізу үшін негіз болып табылады. Білім алушылардың тұлғалық әлеуетін барынша іске асыруға жағдай жасау, білім алушылардың сұраныстарын қанағаттандыруға, білім саласындағы мемлекеттік саясаттың басымдықтарын іске асыруды қамтамасыз ете отырып серіктестік негіздегі әріптестермен, қоғамдық ұйымдармен ашық ынтымақтасуға бағыттайтын болады.  

Мектеп  бәсекеге қабілетті әрі беделді болуы тиіс, ал бұл үздіксіз даму және үдемелі технологияларды, әдістемелерді шығармашылық тұрғыда іздеудің, кәсіпқойлықтың педагогикалық және басқарушылық деңгейде өсу режимінде ғана мүмкін болмақ.

       Мектеп  келесі құжататр негізінде бастауыш, негізгі орта, жалпы орта білім беруді жүзеге асырады:

-29.02.2008 жылғы Тараз қаласы әкімінің «Тараз қаласы әкімдігінің білім бөлімінің № 15 орта мектебі» мемлекеттік  мекемесін құру туралы қаулысы;

-22.07.2008 жылғы Тараз қаласы әкімінің «Тараз қаласы әкімдігінің білім бөлімінің № 15 орта мектебі» мемлекеттік мекемесінің атауын «Тараз қаласы әкімдігінің білім бөлімінің № 15 мектеп-гимназиясы» мемлекеттік мекемесіне өзгерту туралы қаулысы;

-080000, Қазақстан Республикасы, Жамбыл облысы, Тараз қаласы, Абай даңғылы  № 216 үй,  БСН/ЖСН: 080640011685 

- Іс айналысуымен: білім беру қызметі, ерекше шарттары: мерзімі шектелмеген, лицензияр: «Қазақстан Республикасы Білім және ғылым министрлігі Білім және ғылым саласында сапаны қамтамасыз ету комитетінің Жамбыл облысының білім саласында сапаны қамтамасыз ету департаменті» мемлекеттік мекемесі, алғашқы берілген күні: 24.06.2021 жыл № 21021141

2- бөлім: Ағымдағы ахуалды  талдау

   Оқу кабинеттерінің саны-18

Мектеп шеберханалары-2

Техникалық құралдар тізбесі

Бейнебақылау- 20, ішкі-12, сыртқы -8

Принтер HP LaserJet PRO MFP130-1 дана,  Xerox Phaser 3020- 3 дана , Xerox Phaser 3040-2дана,   Epson M2400-1 дана,     WorkCentre 3025-3 дана.

Компьютер саны –153 дана

кітапханада – 7 дана

қабылдау бөлмесінде – 2 дана

директордың орынбасарларында – 8 дана

информатика кабинеттерінде(№9, №10) –30 дана

мультимедия (№11) – 1 дана, ноутбук-16 дана

психологтар кабинеті – 2 дана

Интернет жүйесіне қосылған – 2– (№10 информатика кабинеті, кітапхана)

Интернет жүйесін қосылған 

Кітапхана қоры:

Жалпы қор: 22713 дана                                    Оның ішінде оқулықтар:170005 дана      

 Электронды оқулықтар:308 дана                 Көркем әдебиет: 5608 дана

1-11 сынып аралығындағы барлық оқушылар оқулықпен қамтылған.

Спорт зал – 1

Спорттық инвентармен жабдықталған

Волейбол алаңы – 1

Футбол алаңы – 1

 Мәжіліс залы –  1,  80 орындық бар.

Музыкалық апаратура, микрофон, трибуна бар.

Асхана    60  орынға арналған.

Тұрмыстық тоңазытқыш – 1       Орындық –60      Тоңазытқыш – 1   Электр титан – 1                          

Электр пеші – 1                            Үстел – 12           Аристон – 2

Медициналық кабинет – 1

Егу кабинеті – 1                                       Тоңазытқыш сөмкесі – 1        Лоток – 3

Медициналық үстел –1                           Бикс кішкентай – 1                 Тонометр – 2                                            

Жұмыс үстелі – 2                                     Шпатель – 30                           Бикс үлкен – 1

Медикамент шкафы – 2                          Грелка – 1                                 Кушетка – 1       

Тоңазытқыш – 1                                      Термометр – 40

    Мүмкіндігі шектеулі азаматтар үшін ешбір кедергісіз және ыңғайлы жүріп тұру жолдары  қарастырылған. Барлық жағдай жасалынған. Мектеп дәліздеріне, сыртқы ауласына, асхана мен мәжіліс залына, спорт залға бейнебақылау камералары орнатылған, ішкі істер органдарының жедел басқару орталығына қосылған. Күзету қызметі жұмыс жасайды, жедел шақырту пульті бар. Мектеп қызметкерлері мен білім алушыларды төтенше жағдайлардан қорғау жүйесі жұмыс жасайды. Барлық оқу кабинеттерінде өртке қарсы сақатандыру жүйесі орнатылған, «өрт дабылы» іске қосылған. Мектеп-гимназияға   ұжым, білім алушылар  турникет арқылы кіріп-шығады. 

     Мектеп-гимназияда 2015 жылы жаңа модификациялық химия, биология, физика  кабинеттерімен жабдықталған. Информатика кабинеті мен мультимедиялық кабинет 2010 жылдан бері жұмыс жасап келеді. 2019 жылы  робототехника кабинеті ашылып білім алушылардың құрастырушылық, бағдарлама құру   қабілетінің дамуына  ықпал етуде.

Балалардың қауіпсіздігін, қолайлы жағдайлары мен әл-ауқатын жүйелі мониторингілеу, проблемаларды уақтылы анықтау және шешімдерді жедел қабылдау үшін көрсеткіштер жүйесі құрылды. Бұл жүйе барлық өмірлік маңызды салаларды қамтиды: материалдық әл-ауқат, денсаулық, білім беру, қауіпсіздік және тәуекелдер, әлеуметтендіру.

     Мектеп-гимназияның  материалдық-техникалық  базасын нығайту үлесі 2020-2023  жылдар аралығында төмендегідей болды:

Білім алушылар  контингенті

Балалардың 1 сыныпқа қамтылуы төмендегідей  болды.

       2020-2023 жылдар аралығында дәрігерлік бақылау комиссиясының тиісті анықтамалары мен   психологиялық--медициналық –педагогикалық  комиссия ұсынымдары бойынша №15  мектеп –гимназиясында  үйде оқыту үлесі төмендегідей болды:

Мектеп-гимназия оқушыларының 2020-2023  жылдар аралығындағы тегін ыстық тамақпен қамтылуының үлесі:

Мектеп-гимназия білім алушыларының 2020-2023 жылдарында жалпы оқыту қорынан киім-кешекпен қамтылуының үлесі:

2020-2023 жылдар аралығында  аз қамтылған отбасы және онда тәрбиеленетін білім алушылар  саны:

       Құқықтық білім берудің маңызды міндеті-кәмелетке толмағандар арасындағы құқық бұзушылық пен қылмысты болдырмау. Оқыту мен тәуекел факторларының, түзеу-ағарту жұмыстарының, жасөспірімдердің мектептен бос уақытында жұмысқа орналасуын қамтамасыз етудегі проблемаларды анықтау диагностикасын қамтуы тиіс.

       Мектеп-гимназияда 2020-2023 жылдар аралығында құқық бұзу бойынша қалалық  есепке алынған білім алушы  жоқ. 

Мектеп-гимназиясы бойынша білім алушылардың  сыртқы лагерьмен қамтылуы:

2020-2023  жыл аралығында  мектеп-гимназиясы бойынша білім алушылардың мектеп жанындағы жаздық сауықтыру  

лагерьмен қамтылуы:

Мектеп-гимназия білім  алушыларының    2020-2023 жылдарында денсаулығы бойынша диспансерлік есепте тұрғандар саны

Білім алушылардың басым көпшілігі есепке жүйке, көз, жүрек, асқазан ауруларымен тіркелген.

Білім  алушылардың  білім сапасы мен қорытынды аттестаттау  нәтижелері.

         Жыл сайын оқушылар оқытудың әртүрлі сатыларында тұрақты сапалы нәтиже көрсетеді. Атап айтқанда,  2020-2023 жылдар аралығында  оқушылардың үлгерімі - 100% құрады, ал жылдық  білім сапасының көрсеткіші төмендегідей:

Кесте 1.

Салыстырмалы білім сапасының көрсеткіші

Кесте 2.

Үздік білім алушылардың пайыз көрсеткіші

Кесте 3

Сыныптар бойынша білім алушылардың білім сапасының көрсеткіштері

Сыныптар бойынша орташа білім сапасының көрсеткіші (ІІ тоқсан 2022-2023 жыл)

Сыныптар бойынша орташа білім сапасының көрсеткіші (ІІІ тоқсан 2022-2023 жыл)

Сыныптар бойынша орташа білім сапасының көрсеткіші (ІV тоқсан 2022-2023 жыл)

Сыныптар бойынша орташа білім сапасының көрсеткіші (жылдық 2022-2023 жыл)

          Оқу жылының  кезеңдерінде білімнің тұрақты жоғары сапасы бастауыш мектепте болса, орта және жоғары буындарда үздік білім алушылар саны сақталған. Кестедегі деректерге сүйенсек, 7 сыныптарда білім сапасының көрсеткішінің төмендегені   байқалады.  Оның себебі, 7 сыныптағы оқушы, бұл 15-16 жастағы жасөспірім.   Психолог мамандарының пайымдауынша, жасөспірімдік  кезеңде,   сырластық-тұлғалық қарым-қатынас   алда тұрады. Білімнің рөлі едәуір алыстап, оқу қызметі нәтижесінің төмендеуінің бірден бір факторы – баланың ересектер арасында өз орнын таба алмауы. Осы орайда  мектепте аталған параллельдерде педагогикалық-психологиялық консилиумдар өткізіліп, жұмыс барысында білім сапасына әсер ететін факторлар анықталады.   

         Пән мұғалімдерінің уәжі төмен білім алушылармен жүргізілген жұмыс барысы зерделеніп, тоқсан сайын педагогикалық кеңесте қаралып, динамикасы бақылануда. Сараптама қорытындысы бойынша төмен білім сапасын көрсеткен пәндердің жағдайы әдістемелік бірлестік отырысында талданып, тиісті шешімдер шығарылды. Әдістемелік бірлестік  мүшелері тест сұрақтары базасын құрды, тест мазмұнына Халықаралық зерттеу бойынша материалдар қамтылды. Пән мұғалімдері оқу жылы бойына тақырып, бөлім бойынша білім алушыларды дайындады. Тоқсан сайын сыныптар бойынша және жеке пәндердің білім сапасы мен үлгерім мониторингі шығарылып, шешім негізінде төмен көрсеткіш көрсеткен пәндер бақылауға алынды. 

2022-2023 оқу жылының білім сапасы І жж және ІІ жж салыстырғанда өсім бар. Жеке пәндерге тоқталатын болсақ:

                                                                              Кесте 4

Жекелеген пәндер бойынша білім сапасының   нәтижесі

І және ІІ жартыжылдықтың салыстырмалы көрсеткіші:

ҰБТ нәтижесінің салыстырмалы көрсеткіші

Жалпы орта білімді бітіру курсын аяқтау

Негізгі орта білімді бітіру курсын аяқтау

Білім алушылардың   олимпиада, зерттеу жобалары мен байқауларға қатысуының көрсеткіші

Білім алушылардың   қашықтықтан өткізілген  олимпиада, зерттеу жобалары мен байқауларға қатысуының көрсеткіші

Білім алушының зияткерлік, рухани-адамгершілік және физикалық дамуын қамтамасыз ету

       Қазақстан Республикасының «Білім туралы» Заңына сәйкес білім берудің зайырлы, гуманистік және даму сипаты, азаматтық және ұлттық құндылықтардың басымдығы, адамның өмірі мен денсаулығы, жеке адамның еркін дамуы, адамның құқықтары мен бостандықтарын құрметтеу, тұлғаны білімділікке ынталандыру және дарындылықты жетілдіру, білім берудің бірлігі, тәрбиелеу және дамыту білім беру саласындағы мемлекеттік саясаттың негізгі қағидалары болып табылады.

       Бәсекеге қабілетті тұлғаны  қалыптастырудың негізі отбасында, қоғамда және білім беру жүйесінде қалыптасатын құндылықтар болып табылады. Мектеп-гимназияда  білім алушылар вариативті  (1-4 сыныптар) және гимназия компаненті есебінен  (1-9, 11 гимназия сыныптары) есебінен үйірмелермен қамтылған: Дойбы, занимательная грамматика, сахна тілі, математикалық сауаттылық, теңбіл доп, олимпиада мектебі, жаратылыстану жұмбақтары, тоғызқұмалақ, домбыра дастан, дебат, жас тілші, киелі қасиетті жерлер, туризм географиясы, ақ ладья, ақ моншақ, Абайтану, елтану, волейбол, гандбол, биофизика,   қызықты информатика, туған өлкеме саяхат, ғарыш физикасы, робототехника,  биология әлемінде. Білім алушыларды қосымша біліммен қамту-шығармашылығы мен дарынын дамытады.

Мектеп-гимназия   білім алушыларының үйірмелермен қамтылуының үлесі:

 Мектеп-гимназияда өткен оқу жылдарында   «Оқуға құштар мектеп», «Ұшқыр ой алаңы», «Мектеп парламенті», «Театр әлемі», «Әке мектебі», «Ана мектебі», «Ұлттың үні-домбыра», «Туған өлке құндылықтары», «Қоғамға қызмет», «Сенім», «Цифрлы гимназия» жобалары   жоспарланып, іске асырылды. Жобаға 1-11 сыныптар аралығындағы білім алушылар жас ерекшеліктеріне қарай   ұйымдастырылды.

    Жобамен жұмыс істеу барысында жобаға жетекші педагог білім алушыларға жұмыстың барлық кезеңдерінде тәлімгер әрі кеңесші ретінде қолдау көрсетіп, олардың шығармашылық ізденістеріне сенім білдіріп, өз жұмысының нәтижесі үшін өз бетінше шешім қабылдауына мүмкіндік беріп отырды. Ұсынылған тақырыптар  білім алу шылардың жас ерекшеліктеріне сәйкес таңдалды. Оқу жылының соңында жоба жетекшілері жылдық есептерін дайындап, қорытындысын шығарды.

 Балалрдың қауіпсіздігі мен олардың құқықтарын қорғау бойынша жоспарлы жұмыстар жүргізілді. Балалардың оқуы үшін жайлы орта құрылды.

Проблемалар уақытылы анықталып, шешімін тауып отырды. Ата-аналар  комитетімен үнемі байланыс орнатылып,  бірлескен іс-шаралар өткізіліп отырды. Ата-аналар комитетінің төрағасы С.Кадырова қалалық, облыстық, республикалық «Үздік ата-аналар комитеті» байқауына қатысып , қала мен облыстан 1, республикадан 3 жүлделі орындарды иеленді. 

Педагог кәсібінің мәртебесін көтеру және педагогикалық білім беруді   жаңғырту

     2020-2023 жылдарға арналған бағдарламаны іске асыру кезеңінде педагог кадрлардың саны мен сапасы  артты.

    Мектеп-гимназия педагогтерінің соңғы үш оқу жылындағы сапалық және сандық құрамының салыстырмалы көрсеткіші  төмендегідей:

Біліміне қарай:

Мектеп-гимназиядағы магистратураны бітірген педагогтардың үлесі:

Педагогикалық өтіліне қарай:

Санатына қарай:

   Ескі форматтағы санатпен   1 мұғалім,   география пәнінің мұғалімі Ә.Оспаналиева (ІІ санатта, 2019 жылы алған)

      2020 жылмен салыстырғанда 2023  жылдың қаңтар айының сапалық құрамы бойынша педагог-зерттеушілер саны  5 педагогке өскен.

2022-2023  оқу жылының 1 қаңтарына педагогтердің біліктілік санаттарының сандық талдауы:

Мұғалімдердің жастары бойынша көрсеткіші:

Мектеп-гимназия мұғалімдерінің  білім жетілдіру курсынан өтуі туралы мәлімет:

Педагогтердің 100 % пәндері бойынша курстан өткен.

Педагогтердің    олимпиада  мен байқауларға қатысушылар мен жүлдегерлер көрсеткіші

        Мектеп-гимназияның педагогикалық ұжымы әр оқу жылында қалалық, облыстық, республикалық семинарларға қатысып   тәжірибелерімен бөлісіп отырады, үнемі әдістемелік даму мен ізденісте.

2022-2023 оқу жылында өткізілген семинарлар:

         Сонымен  қатар, география пәнінің мұғалімі Р.Б.Болатбекова,  педагог-зерттеуші «География сабағында математикалық есептер шығарудың тиімді жолдары» тақырыбында қалалық білім бөлімі ұйымдастырған семинарда өз іс-тәжірибесімен бөлісті.

      3 қазан  2022 жылы Тараз қаласында Алматы қаласы Өрлеу ББЖҚБАРИінің аға оқытушысы А.А.Абайдуллаеваның   тренірлігімен курстан өтіп жатқан Жамбыл облысы аудандары мен қала мектептерінің орынбасарларына араналған курста № 15 мектеп-гимназиясының диреторының орынбасары Т.А.Нарынбекованың ұйымдаструымен  семинар-практикум өткізілді.  Практикум тақырыбы: цифрлық  трансформациялау жағдайында басқарушылық шешімдерді қабылдауда белсенді және инновациялық әдістерді қолдану. Мақсаты: белсенді және инновациялық әдістерді және цифрлық технология мүмкіндіктерін қолданудың тиімді жолдары. 

       2022-2023  оқу жылының тамыз айының соңында М.Х.Дулати атындағы Тараз өңірлік университеті жанындағы «Ұстаз» институтының директоры О.Джолдасовамен  ынтымақтастықты дамытуға бағытталған ортақ жұмыс жоспары құрылып, екі білім мекемесінің басшыларымен бекітілді. Осы  университет пен мектеп-гимназия арасында меморандумға қол қойылған.

       «Ұстаз» институты директоры О.Джолдасова мектеп-гимназия қабырғасында ұстаздармен кездесіп алдағы бірлескен жұмыстарға тоқтала отырып, мектептегі білім беру саласын дамыту бойынша өз ойларымен бөлісті. 

     Ынтымақтастық жоспарында: ЖОО оқытушыларын қонақтық дәріс сағаттарына шақыру ( ЖОО оқытушылары мектеп  мұғалімдерімен бірлесе отырып оқушылардың жоба жұмыстарын әзірледі, әліде жұмыстар жүргізілуде); университет ғалымдарынан зерттеу жұмыстары бойынша кеңестер алынып отырылды; мектеп оқушыларының зерттеулерін жүргізу үшін Балалар университеті шеңберінде оқу зертханаларын пайдалану; «Педагогикалық сынып» патронажды жобаны іске асыру; т.б. Осы оқу жылында бірінші рет осындай бірлескен жұмыс қолға алынып отырғандықтан жоспардың игерілмей қалған тұстары да болды. Келесі оқу жылында кемшіліктер түзетіледі.

Химия пәні бойынша «Химик эксперт» 10-11 сынып оқушыларына араналған қыстық мектеп жобасында 10 оқушы оқып сертификаттарға ие болды. 

          2022-2023 оқу жылында 35 педагог  түрлі деңгейдегі баспа беттерінде өз тәжірбиелерімен бөлісіп, мақала жариялады. Бір педагогтің авторлық бағдарламасы, төрт  педагогтің әдістемелік құралы дайындалды.

Мектептің сыртқы және ішкі даму перспективаларын бағалау

3-бөлім: Мектептің миссиясы, мақсаттары мен міндеттері

Бағдарламаның пайымы: Ұлттық  құндылықтарды негізге ала отырып, ел бірегейлігін нығайтуға, әділетті қоғам құруға қабілетті білімді, адал ұрпақты тәрбиелеу мен оқу сауаттылығы мен жаратылыстану-ғылыми сауаттылығы қатар дамыған құзіретті тұлғаның  сапалы білім алуына  ықпал етеді.

Мектептің миссиясы:  Өз бойына жалпыадамзаттық құндылықтарды, ұлтжанды, сыни тұрғыдан ойлау дағдыларын қалыптастырған жеке тұлғаның  білім алып, тәрбиеленуіне  жағдай жасау.

Мектеп-гимназияда   білім беруді дамытудың 2023–2028 жылдарға арналған стратегиясы:

Білім беруді дамыту бағдарламасы   білім берудің ағымдағы жағдайынан бұрынғысынан сапалы түрде ерекшеленетін басқа жағдайға көшуді жүзеге асыруға мүмкіндік береді. Осылайша, 2023–2028 жылдарға арналған білім беруді дамыту траекториясы:

1. Педагог кадрлардың  кәсіби біліктілігі мен мәртебесін арттыру:Оқыту және тәрбиелеу сапасын арттыруға педагогтерді ынталандыруды күшейту үшін олардың еңбек жағдайын жақсарту.

      Педагог еңбегінің беделін арттыру мақсатында мектеп-гимназияның білім беру жүйесінде ынталандыру шараларының кешені іске асырылатын болады.

      Оқытуды, оқу-әдістемелік, оқу-тәрбие, ұйымдастыру-педагогикалық қызметті қамтитын мұғалімнің еңбегін нормалау жүйесі зерделенеді және әзірленеді.

      Біліктілікті арттыру курстары бағдарламаларының мазмұны педагогикалық қызметтің барлық түрлерін іске асыру үшін педагогке қажетті пәндік, психологиялық-педагогикалық, әлеуметтік және басқа да құзыреттердің оңтайлы арақатынасын қамтитын болады.

       Педагогтер оқытудың интербелсенді әдістері мен цифрлық технология платформаларын қолдану  практикасын жетілдіреді, сондай-ақ басқа педагогтермен тәжірибе алмасады.

      Мектеп-гимназиядағы   шығармашылық топтар  педагогтердің кәсіби шеберлігін арттыруға жәрдемдесетін болады.

      Кәсіптің беделін арттыруға ықпал ететін шаралар атқарылатын болады.  

      Ғылыми зияткерлік әлеуеттін нығайту   мақсатында мектеп-гимназия магистрлерінің жұмысы  жандандырылатын болады. Білім алушыларды ғылымға белсенді тарту мақсатында жас ғалымдар қауымдастығының жұмысы одан әрі жетілдіріледі, ал ғылымды танымал ету және жас ғалымдардың санын арттыру үшін ғылыми форумдарға қатыстырылады, ғылыми-танымал журналдарға басылым жасалады және ғалым кәсібінің беделін барынша насихаттау жүзеге асырылады. Үш бағыт: ғылыми әлеуетті дамыту, жас ғалымдар резервін күшейту және көшбасшыларды дамыту бойынша жұмыстар кешені жүргізілетін болады. 

2. Мектептің материалдық-техникалық базасын нығайту. Мектеп-гимназияны  цифрлық инфрақұрылыммен және қазіргі заманғы материалдық-техникалық базамен жарақтандыру үшін құзырлы органдарға сұраныстар беріледі.  Нәтижесінде пән кабинеттеріндегі компьютерлер, панельді тақталар саны артады. Ерекше білім берілуіне қажеттіліктері бар білім алушылар үшін қолжетімділік пен жеке тұлғаға бағдарланған орта құру жұмысы жүргізіледі. Мектеп-гимназияны  жарақтандыру кезінде жиһаз бен жабдықтардың денсаулық сақтау сипаттамаларына ерекше назар аударылатын болады.

3. Жастардың азаматтық белсенділігін арттыру. Сапалы қосымша білім алуға қол жеткізуді арттыру.   Білім алушылардың  «Дебат» клубы  ұлттық құндылықтар негізінде жалпыадамзаттық тәрбиесін дамыту бойынша іске асады.  

      "Қоғамға қызмет" волонтерлер жобасының, басқа да әлеуметтік жобаларын  дамыту жоспарлануда.

4. Білім беру менеджментінің сапасын жақсарту. Мектеп-гимназияның  қажеттіліктеріне және ерекшеліктерге сәйкес кәсіби бағдар беру мен кәсіптік даярлықтың   сабақтастығы мен үздіксіздігін қамтамасыз ету. Жергілікті ЖОО орындарымен ынтымақтастықта жұмыс жүргізу одан ары  жанданады.

       Гимназия  компоненттері арқылы жаратылыстану-математикалық, қоғамдық-гумманитарлық бағыттағы  пәндер кеңейтіліп оқытуды одан әрі дамытады.  Цифрлық білім беру ресурстарын  түрлі платформаларды қолдану  жөніндегі жұмыс жалғасады.  Білім беру саласын басқаруды жаңғырту жалғасады.

      Мектеп-гимназияның  қызметінің тиімділігі мен ашықтығын арттыру үшін басқарудың алқалық органдарын: қамқоршылық кеңесін дамыту жалғастырылады.

5.Біртұтас тәрбие бағдарламасын жүзеге асыру. Білім алушының ұлттық құндылықтар негізінде дамуын қамтамасыз ету.   Білім берудің барлық деңгейлеріндегі тәрбие мен оқыту жүйесі бірыңғай идеологиялық және құндылық тәсілдеріне құрылады. Тәрбие жұмысы барлық мүдделі тараптарды: отбасын, білім беру ұйымы мен қоғамды кеңінен тарта отырып, кешенді түрде жүргізілуі тиіс. Бұл ретте лицей білім алушылардың ата-аналарымен және заңды өкілдерімен тұлғааралық өзара іс-қимылдарды кеңейтуге және өзара жауапкершілік қағидаты бойынша ынтымақтастық құруға назар аударған жөн.

         Білім алушыларды ұйымдасқан қоғамдық қызметке тарту "Жас қыран"(1-4 сыныптар), "Жас Ұлан" (5-10 сыныптар) балалар-жасөспірімдер қозғалысына, сондай-ақ  білім алушылардың  өзін-өзі басқару ұйымына  тұрақты мүшелікке ену жолымен қамтамасыз етілетін болады.

    Мектеп-гимназияның   оқу-тәрбие процесінде отбасы құндылықтары мен отбасы институтының маңыздылығы дәріптелетін болады. Мектеп-гимназияда "Жастар мен жасөспірімдердің репродуктивті денсаулығын және қауіпсіз мінез-құлқын қорғау", "Парасатты аналар", "Әкелер мектебі" жобалары енгізілген, және одан әрі жұмысты дамытады.   Ұлттық және отбасылық құндылықтарды дамытуға, балаларды тәрбиелеуде отбасының рөлін арттыруға бағытталған «Жеткіншектің жеті жарғысы" жобасы іске асырылатын болады. Білім алушылар арасында салауатты өмір салтын сақтау мен баланың қимыл-қозғалыс әрекетін дамыту мақсатында «Спорт және мен», шығармашылығы мен талантын арттыру үшін «Қолөнер шеберханасы», өз ата дәстүрін дәріптеу, тарихи білім мәдениетін дамыту мақсатында «Тарихқа құрмет» жобалары алынып, жоспарлы түрде іске асады. «Digital gumnasium»,  «Оқуға құштар мектеп»  жобалары, «Ата-аналарды қолдау»  орталығының жұмысы жалғасын табады.

Оқытудың қауіпсіз және жайлы ортасын қамтамасыз ету. Балаларға қатысты және олардың арасындағы зорлық-зомбылықты жасырмау үшін жыл сайын кәмелетке толмағандарға қатысты және олардың арасында зорлық-зомбылық деңгейін айқындау бойынша тиісті әлеуметтік зерттеулер жүргізілетін болады. Мектеп-гимназияда  зорлық-зомбылықтың алдын алу және оған ден қою, сондай-ақ білім алушылар арасындағы зорлық-зомбылық туралы хабардарлықты арттыру үшін өмірлік дағдыларды қалыптастыру және суицидтің алдын алу жөніндегі іс-шаралар кешені жүзеге асырылатын болады.

      "Тәуекел тобындағы" балаларды ерте анықтау және оларға уақтылы көмек көрсету, буллингті болдырмау мақсатында мектеп-гимназияның  психологиялық қызметі мен татуласу қызметтері күшейтіледі, осы бағытта «Психологиялық әл-ауқат және күйзеліске төзімділік» жобасы жүргізіледі.

       Балалардың бос уақытын тиімді ұйымдастыру басым бағытқа ие болады. Мектеп-гимназия  әлеуметтік жағынан осал, аз қамтылған отбасылардан шыққан балаларға, "тәуекел тобындағы" балаларға, девиантты мінез-құлықты балаларға арналған жазғы лагерьлердің тақырыптық ауысымдарын ұйымдастыратын болады.

           Балаларды рухани дамуына зиян келтіретін ақпарат пен материалдардан қорғау жөніндегі шараларды әзірлеу және енгізу жоспарлануда.

     Мектеп-гимназияның   тәрбие жұмыстарының жоспарлары балалардың кибермәдениеті мен кибергигиенасы бойынша жұмысты қамтитын болады.

6.Білім сапасын бағалау. Үздік практикалар негізінде білім алушылардың  білім сапасын бағалау жүйесін тиімді қолдану. Мектеп-гимназияда  білім алушыларды шынайы бәсекеге қабілетті жағдайда өмір сүруге дайындауға мүмкіндік беретін әлеуметтік орта үлгісін құру. Нәтижесінде білім алушылар нақты әлеуметтік тәжірибе алады, және оны талдаудың негізінде өзіндік, жеке сәттілік стратегиясын анықтауға машықтанады.

Академиялық рейтинг білім алушының бейінді пәндер бойынша оқудағы жетістіктерін: пәндердің тіркелген жинағы бойынша білім мен қолданбалы біліктіліктер деңгейін көрсетеді білім алушылардың оқу нәтижелері үшін жауапкершілігін, оқуға деген саналы көзқарасын, ББЖМ сәтті тапсыруға деген ынтасын арттыруға; жалпы мектептің оқу қызметінің нәтижелілігін арттыруға ықпал ету.

Жалпы білім беретін оқу бағдарламаларын табысты меңгерген білім алушылардың  үлесінің серпінін көтеру мақсатында ЖОО орынының педагогтерін  консультациялық сабақтарға шақыру.

      Мектеп-гимназияда  функционалдық сауаттылықты бағалаудың басымдықтары математикалық, жаратылыстану-ғылыми, оқу және компьютерлік сауаттылық болады, білім алушыларды дайындау бойынша жұмыстар жалғасын табады.

7.Педагогтерді әдістемелік сүйемелдеу. Үздік практикалар негізінде педагогтердің кәсіби біліктілігін бағалаудың жаңартылған жүйесін енгізу, дамыту.  Білім беру сапасын бақылаудан оны қамтамасыз етуге көшу мақсатында мектеп-гимназияның  білім сапасын бағалау және әдістемелік қолдау жүйесінің тетіктері жетілдіріледі. Мектеп-гимназия  педагогтарына қойылатын жаңа талаптар енгізіледі.

    Білім беру сапасына сараптамалық шолу нәтижелері бойынша оқу-әдістемелік қолдауды, педагогтердің әлеуетін арттыруды, материалдық-техникалық жарақтандыруды және т.б. қоса алғанда, білім беру сапасын жақсарту жөніндегі стратегиялар әзірленетін болады. 

4-бөлім: Нысаналы индикаторлар және күтілетін нәтижелер

2028    жылғы   күтілетін  нәтижелер:

1. Білім алушылардың сапалы орта білімге тең қолжетімділігін қамтамасыз ету, жаһандық және Ұлттық ойлауы қалыптасқан зияткерлік, физикалық, рухани дамыған және табысты азамат қалыптасады;
2. Білім алушылар үшін оқытудың  озық технологияларын енгізеді; білім алушылардың тілдік сауаттылығын қамтамасыз етеді, функционалдық сауаттылығы дамиды;
3. Білім беру процесін дербестендіреді, мазмұнын әртараптандырады және білім беру траекторияларының алуан түрлілігі үшін жағдай жасалынады;
4. Білім алушылардың бойында рухани-адамгершілік құндылықтар, ұлттық сана-сезім, патриотизм қалыптасады және білім алушылардың азаматтық белсенділігі   дамиды, үнемі өзін-өзі жетілдіру және өзін-өзі дамыту қажеттілігі артады;
5. Білім алушылардың жоғары деңгейдегі зерттеу жобалары, олимпиада, байқауларға қатысу және нәтиже көрсету  динамикасы артады;
6. Педагогтардың өзін-өзі тәрбиелеу, өзін-өзі ұйымдастыру және өзін-өзі бақылау мәдениеті  дамиды, қоршаған әлем мен кәсіби қызметтің үнемі өзгеріп отыратын жағдайында зерттеу мінез-құлқын қалыптастырады;
7. Педагогтер жаңа ғылыми жетістіктерді пайдалануға, жаңа технологияларды, ғылыми білімді қолдануға дайын болуға үнемі ұмтылу арқылы сапалы білім беру қызметтерін ұсынады;
8. Педагогтердің түрлі деңгейдегі кәсіби байқауларға қатысу әлеуеті артады; оқытудың  дәстүрлі бағдарламаларынан білім алушыларды болашаққа дайындауға (білім беру мазмұнының құндылық аспектісін өзектендіру, оқу бағдарламаларының жаһандық құзыреттіліктерді, эмоционалды зияткерлікті, сыни ойлауды, білім алушылардың кәсіпкерлік және қаржылық сауаттылығы негіздерін қалыптастыруға бағытталады ;
9.  «Педагог-шебер», «педагог-зерттеуші» санатындағы педагогтердің саны артады;
10. Білім алушыларды  қосымша біліммен қамти отырып   білім алу танымдық, шығармашылық мүмкіндіктерді арттырады, адалдық, табандылық және өзіне қойылатын талапшылдық қасиеттерінің қалыптасуына себеп болу арқылы тәрбиелілік деңгейі  артады;
11. Мектеп-гимназияның материалдық-техникалық базасы нығайады.

5-бөлім. Мектеп-гимназияның  даму   бағдарламасының  2023-2028 жылдарға арналған

 іс-шаралар жоспары