Даңқты ұстаз, белгілі қаламгер, Қазақстанның еңбек сіңірген мұғалімі С. Көбеев - ұлт мақтанышы. Қаламгердің 145 жылдығына арналған "Қазақ әдебиетінің асқар биігі" тақырыбында танымдық сағаты 7 «Б» сыныбының жетекшісі А.Жүсіпбекованың ұйымдастыруымен өткізілді. Білім алушыларға ақын-жазушының қаламынан туған шығармалары туралы түсініктер берілді.

Қыздарды халқымыздың ізгі қасиеттері инабаттылық, ізеттілік, ісмерлік, негізінде тәрбиелей отырып, олардың бойында қарапайымдылық, әсемдік, өнерге қызығушылық, сахна мәдениетін, шығармашылық қабілеттерін арттырып, салт-дәстүрімізді жалғастыруға себепші болу парызымыз. "Қыз еркем - қылығымен көркем" тақырыбында бастауыш сыныптарда А. Масатбекованың ұйымдастыруымен челлендж өткізілуде. "Қыз тәрбиесі - ұлт тәрбиесі" ендеше, қыз балаға берілетін тәрбие де әрбір ата-ананы толғандыруы тиіс.

"Ата-аналарды педогогикалық қолдау орталығының қызметі білім беру ұйымының қажеттілігі негізінде" 10 «А» сынып оқушыларының ата-аналарына арналған сабақты сынып жетекшісі Толқын Құрбанова өткізді. "Құмарлыққа бой алдыру - тәуелділік құрдымы" тақырыбында өткізілген сабақтың мақсаты: ата-аналардың өз баласының қауіпсіздігін қамтамасыз ету қабілетін қалыптастыру, тәуелділік мінез-құлық қаупінің алдын-алу жолдарын дамытуға бағытталды. Ата-аналарға оқушылардағы химиялық және химиялық емес тәуелділік

Біз "Өзін-өзі басқару" ұйымы мектепте өткізіліп жатқан "ДосболLIKE: достық қолын ұсын" республикалық акциясына өз үлесімізді қосу мақсатында "Еріктілер" жобасы бағытында, мектеп ұжымын, ұстаздарды, оқушыларды достық қарым-қатынаста болуға шакырамыз! "Нағыз досыңның көп болғанын каласаң-дос бол!" #досболlike

Рәміздер - рухымыз, ар ожданымыз. Сол алтын тұғырымызды жас ұрпақтың санасына сіңіріп, ойына ұялату мақсатында №15 мектеп-гимназиясында "Рәміздерім - ар ожданым" тақырыбында 5 «Б» сыныбының жетекшісі Сериева Лаура тәрбие сағатын өткізді. Мемлекетіміздің тәуелсіздігін білдіретін белгілермен оқушылар тереңірек танысты.

Елімізде "ДОСБОЛlKE": "ДОСТЫҚ ҚОЛЫН ҰСЫН" республикалық акциясы басталды. Мектеп білім алушыларына "Татулық- достық кілті" тақырыбында мектеп тәлімгері С. Пашралиеваның ұйымдастыруымен өзін - өзі басқару ұйымының мүшелерімен дөңгелек үстел өткізілді. Оқушылар бір-біріне жылы лебізін айтып, достық туралы өз пікірлерін білдірді.

Математикалық есептер шығару білім алушылардың есте сақтау, ойлау қабілеттерін дамытуға, логикасын, зейінін жаттықтыруға ықпал етеді. №15 мектеп-гимназиясында "Қазақ есебі" республикалық челленджі өткізілді. Математик А.Жұмаділдаевтың ұсынған есептері шығарылды. Математика пәнінің ұстаздарының ұйымдастыруымен, білім алушылар математикалық есептерді шешу арқылы ойлануға, модельдеуге, болжауға, нақты шешімдерді шығаруға дағдыланды.

Елімізде "ДОСБОЛlKE": "ДОСТЫҚ ҚОЛЫН ҰСЫН" республикалық акциясы басталды. Мектеп білім алушыларына "Спорттық достық" тақырыбында денешынықтыру пәні мұғалімдерінің ұйымдастыруымен шахматтан және эстафеталық ойындардан жарыс өткізілді. Оқушылар арасында достық, жағымды қарым-қатынас орнатылды.

№15 мектеп-гимназиясында "Тарихқа құрмет" жобасы аясында 4 «Ә» сыныбының жетекшісі Мадешова Назипаның ұйымдастыруымен "Төле би бабамызға - 360 жыл" тақырыбында танымдық тәрбие сағаты өткізілді. Оқушылар тарихқа терең бойлай отырып, дана бидің өмірі мен көрегендікпен айтқан өсиеттеріне қанық болды. Төле би Әлібекұлының даналық, шешендік, тапқыр сөздері жайлы мәліметтер берілді.

Білім алушылардың өз ана тілін құрметтеуіне, таза сөйлеуіне, тіліміздің мәртебесін көтеруге, оқушыларды топ алдында еркін сөйлеуге үйрету мақсатымен "Ұлттық мұраны ұлықтау" тақырыбында №15 мектеп- гимназиясының 7 «Ә» сынып жетекшісі Қасқарбаева Хадишаның ұйымдастыруымен тәрбие сағаты өткізілді. Тіл - халықтың рухани, мәдени байлығының дамуының құралы екені туралы түсінік берілді.