"Салауатты ата-ана мәдениеті" тақырыбымен өткізілген облыстық байқауда №15 мектеп-гимназиясының Жазыбай әулеті жүлделі 1-орынды иеленді. Отбасылық құндылық пен құқықтық сауаттылық деңгейін жоғары дәрежеде жүйелі жеткізе отырып, шығармашылық ізденістерімен ерекшеленіп, ел алғысына бөленді.

Жолда жүру ережесін білу, әрбір баланың міндеті. Балалар жолда жүру заңын сіз бен бізден үйренеді. Оқушыларды жолда жүру ережесімен таныстырып, көшеде жүру әдебін меңгерту мақсатында №15 мектеп-гимназиясында "Абайлаңыз балалар" тақырыбында тәрбие сағаттары өткізілді. Жол белгілерін айыра білуге, жаяу жүргіншіге арналған жолақтан өтуге, жолда дұрыс жүруге түсініктер берілді. Білім алушылар жол белгілерін қалай, қай жерде дұрыс пайдалана білуді үйренді.

Ата-аналарға педагогикалық қолдау көрсету мақсатында, №15 мектеп-гимназиясында бастауыш сынып ата-аналарына арналған сабақ өткізілді. 2 сынып спикерлерінің ұйымдастыруымен өткізілген іс-шараға ата-аналар белсенді қатысты. Ата-ананың міндеті - жақсы, өнегелі ұрпақ тәрбиелеу. "Ақыл айтпа, жол көрсет" тақырыбымен өткізілген сабақта, білім беру ұйымы мен отбасы арасындағы балаларды тәрбиелеу мен дамытудағы өзара іс-қимылды нығайту жолдары талқыланды.

Қазақ ұлтының тарихы мен әдебиетінен ойып тұрып орын алатын даңқты тұлғалардың бірі - Алаш зиялысы, ақын, Мағжан Жұмабаев. Азаттық жолында жанын қатерге тіккен осынау парасатты перзенттің туғанына биыл 130 жыл толып отыр. №15 мектеп-гимназиясында ақынның шығармашылығына арналған "Жыр мүшәйрасы" өткізілді. Қазақ тілі мен әдебиеті пәнінің мұғалімдері Г. Ережепова, А. Серкебаева, Ж. Алпысбайдың ұйымдастыруымен өткізілген іс-шарада оқушылар ақын өлеңдерін мәнерлеп оқып, шығармашылығымен жақын

Оқушылардың болашақ мамандық таңдауға байланысты ұғымдарын тереңдетіп, қызығушылықтарын арттыру бағытында №15 мектеп- гимназиясында "Мен мамандығыммен мақтанамын" тақырыбында кездесу өткізілді. Кездесуге мектеп түлегі - Тұрғанбек Жеңіс Ғалымбекұлы қатысты. Бүгінгі таңда Қазақстан теміржолы Жамбыл магистралының желі бөлімшесі филиалының Жамбыл жол дистанциясының инженер-технологы қызметін атқарып жүрген түлегіміз, оқушыларға мамандық таңдауда бағыт көрсетіп, сұрақтарына жауап берді.

№15 мектеп-гимназиясында 30 қараша күні "Қыз Жібек" қыздар клубының ұйымдастыруымен "Бүгінгі қыз - ертеңгі ана" тақырыбымен дөңгелек үстел өткізілді. Мектептегі қыз балалардың сырласатын, ой бөлісетін, қажетті кеңестер ала алатын, текті қыздар ортасын құру мақсатында өткізілген іс-шарада қыздарға ақыл-кеңестер берілді.

Асық ойындары - қазақтың ұлттық ойындарының бірегейі. Оны көшпелі этномәдени өмір тудырған төлтума өнер деп танимыз. Ойынның басты құралы да - асық. №15 мектеп-гимназиясында 17-қараша күні республикалық асық ату челленджі өткізілді. Асық ойыны баланы мергендік пен зеректікке, табандылыққа, шыдамдылыққа тәрбиелейді.

Қараңғы қазақ көгіне, Өрмелеп шығып, күн болам. Қараңғылықтың көгіне, Күн болмағанда, кім болам? №15 мектеп-гимназиясында Сұлтанмахмұт Торайғыровтың өмірімен, шығармашылығымен оқушыларды таныстыру мақсатында 17-қараша күні көркем-әдеби шолу, ақын өлеңдерін жатқа оқу іс-шарасы өткізілді. Қазақ тілі мен әдебиеті пәнінің мұғалімдері Ғ. Бекежанова, Ж. Алпысбай, А. Серкебаева оқушыларға ақын өлеңдерінің шығу тарихын таныстырып, ақын мұраларының өміршеңдігін түсіндірді.

Ұлттық валюта төл теңгеміздің шығу тарихымен таныстыру, ұлттық теңгемізді қастерлеуге үйрету мақсатында №15 мектеп-гимназиясында "Теңге - тәуелсіздік нышаны" тақырыбында тәрбие сағаттары өткізілді. Оқушыларға Тәуелсіз еліміздің ең бірінші айрықша белгісі теңгенің маңызы, қолданылу аясы туралы түсініктер берілді. Халқымызға ғасырлар бойы арман болған тәуелсіздік, егемендік ұстанымдарын биікке көтеретін бұл күн - Отанымыздың әрбір азаматы үшін қастерлі мереке.

06.11.23 күні Математика және информатика пәндер бірлестігінің "Математика және информатика пәндерінде оқытудың интербелсенді әдістерін қолдану жолдары" тақырыбындағы айлығының ашылу салтанаты өтті.